Robert Capa. Una vita leggermente fuori fuoco est su tìtulu de una mustra retrospetiva dedicada dae su Museu MAN de Nùgoro a unu de sos prus mastros importantes de sa fotografia de su de XX sèculos. Cun belle e chentu fotos de sas prus de sustàntzia de totu sa produtzione de Capa, sa mustra, realizada paris cun MagnumPhotos e Contrasto, ammentat sos mamentos fundamentales de su percursu umanu, profesionale e artìsticu de custu fotògrafu importante, mortu sessanta annos como.

Sa mustra de Capa est in programma dae su 7 de martzu a su 18 de maju de su 2014. Si serrat gai, pustis de sas mustras de Cartier-Bressone Werner Bischof, sa sèrie de eventos espositivos, comintzada in in su 2011,  dedicados dae su Museu MAN a sos fotògrafos de s’agentzia Magnum.

Si naraiat Endre Friedmann, fiat nàschidu in Ungheria in su 1913 e posca fiat emigradu prima a Berlinu e poi a Parigi. Est cunsideradu unu de sos fundadores de su giornalismu fotogràficu. Fìgiu de una famìlia ebrea e issu etotu disterradu, aiat semper documentadu su mundu de sos disamparados e de sos pròfugos, impitende sa màchina fotogràfica comente unu traste de testimoniàntzia e denùntzia. Sos servìtzios suos los ant publicados in rivistas importantes che a “Life” e “Picture Post” e sunt documentos istòricos de gabbale, sunt un’archìviu de immàgines, a bortas ispontàneas e esplìtzitas, a bortas fines e irònicas.