Su dipartimentu educativu de su MAN organizat bìsitas guidadas, laboratòrios e progetos ispetziales de mediatzione e didàtica cun livellos diferentes de destinatàrios. Sas metodologias chi si impreant incoràgiant sos partetzipantes a leare parte ativa e segugende·lis s’isvilupu de su pensamentu crìticu e de sa capatzidade criativa. Sos percursos de cada bìsita sunt pensados pro èssere ocasiones de connoschèntzia e de meledu subra s’istòria de s’umanidade e subra su tempus presente pro mèdiu de su cuntatu diretu cun sos produtos materiales de sa cultura visuale chi sunt postos in paragone cun sos cambiamentos de sa sotziedade e cun s’isvilupu de sos limbàgios artìsticos. In sos laboratòrios didàticos, sas atividades operativas pertocant sas formas de s’arte moderna e cuntemporànea. Sa punna est de segugiare sas facultades de letura e de anàlisi e de crèschere sas capatzidades manuales e de fàghere. Totus sas atividades didàticas de su MAN sunt a indonu francu sos laboratòrios pro zente manna e sos cursos de informàtica.
Percursos apassionantes de visita, diferentes in sos argumentos e in sa manera de los tratare, istudiados cunforma a s’edade de sos utentes cumpletados cun laboratòrios manuales modellados subra sas tècnicas, sos limbàgios e sos temas tratados in sas mustras.Cada mangianu, dae su lunis a sa chenàbura, prenotende. Fintzas a borta de die presentende rechesta.
Laboratòrios originales, a livellu ispetzialìsticu, ghiados dae su personale de su museu o realizados in collaboratzione cun operadores esternos (artistas, fotògrafos, insegnantes, espertos) subra de sas caraterìsticas de sa produtzione artìstica cuntemporànea o subra de sas tècnicas de produtzione ispetzìficas.
In ocasione de cada mustra, prenotende.
Percursos de bìsita guidados a sas mustras e a sas colletziones, contivigiados dae su personale de sa retzidura.
Cada die, francu sa domìniga, dae sas 10.00 a sas 13.00 e dae sas 15.00 a sas 19.00.
Arrejonadas abertas intre su pùblicu e sos operadores de su museu subra de temas vàrios tratados in sos percursos museales.
Totus sos fines de chida prenotende. Pro grupos e classes fintzas in sas àteras dies de sa chida presentende rechesta.
Progetos de afiancamentu a parte pro sos educadores cartzeràrios o pro sos operadores de sos tzentros de igiene mentale. Progetos de agiudu pro chie est in cunditziones de disabilidade fìsica o mentale, finas in collaboratzione cun àteros sugetos.
Tempos e modos de cuncordare cun sos sugetos interessados.
Cursos ispetziales de cumpetèntzia informàtica de livellos diferentes cunforma a sas connoschèntzias e a sos interessos de sos partetzipantes.
Durante totu s’annu, fata chi siat s’iscritzione a sos cursos.
Iscàrriga su PDF cun su programma