S’atividade primària de su MAN sunt sas mustras cuntemporàneas. Su museu si bi dèdicat frecuente e si proponet comente logu pro sa chirca e sa comunicatzione de sos prus fenòmenos innovativos de sa produtzione artìstica. In custa idea de sa cultura, chi est dinàmica, s’identidade locale bivet paris e pigat fortza dae su cunfrontu cun sa globalidade de su tzircùitu artìsticu pro more de sos iscàmbios cun àteros museos e cun produtziones noas. In lìnia cun sa missione sua, su MAN proponet mustras dedicadas a artistas e movimentos de s’istòria de s’arte dae su de XIX a su de XXI sèculos e progetos isperimentales diretos a sos limbàgios cuntemporàneos. S’atividade “extra muros”, fata fora de sas istruturas architetònicas, sustenet s’atividade interna e s’aberit a su territòriu interessende sas comunidades locales.